Ağstafada qəzada ölən oğlanın FOTOSU -YENİLƏNİB

Lent.az Ağstafada qəza zaman dünyasını dəyişən oğlanın fotosunu təqdim edir.

İyun 15 saat 21:41

İyun ayının 15-də Ağstafa rayon Dağ Kəsəmən kəndi ərazisində yol-nəqliyyat hadisəsi olması barədə Ağstafa Rayon Polis Şöbəsinə məlumat daxil olub.

DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov Lent.az-a bildirib ki, dərhal Rayon Polis Şöbəsinin və Baş Dövlət Yol Polisi İdarəsinin Yol Patrul Xidməti Alayının 9-cu tağımının əməkdaşları hadisə yerinə gələrək müvafiq araşdırmalar aparıb, nəqliyyatın hərəkəti bərpa olunub. İlkin araşdırmalar nəticəsində məlum olub ki, Ağstafa rayon sakini Vilayət Nəbiyevin idarə etdiyi VAZ-2107 markalı avtomobil Bakı istiqamətində hərəkətdə olan zaman yolun kənarında dayanmış Kamal Əsədova məxsus VAZ-2172 (Lada Priora) markalı avtomobil ilə toqquşub. Toqquşmadan əvvəl sərnişin, 1999-cu il təvəllüdlü Hidayət Hüseynov avtomobildən düşmək istəyib və bu zaman o, iki avtomobilin arasında qalaraq xəsarət alıb və aparıldığı Ağstafa rayon Mərkəzi Xəstəxanasında ölüb. Faktla bağlı araşdırmalar davam etdirilir.

***

21.27

Ağstafada ölümlə nəticələn ağır yol qəzası baş verib.
Lent.az-ın APA-ya istinadla məlumatına görə, hadisə rayonun Xətai kəndində qeydə alınıb. Qəza nəticəsində 1999-cu il təvəllüdlü Hidayət Hüseynov hadisə yerində ölüb.