Ağdaşda ölümlə nəticələnən ağır yol qəzası olub.
Lent.az-ın məlumatına görə, hadisə rayonun Qəsil kəndində qeydə alınıb. Bulaqotu kənd sakini 31 yaşlı Cabbarov Cavidan Xaləddin oğlu idarə etdiyi "Mercedes" markalı avtomobillə Yevlax rayonu istiqamətində hərəkətdə olarkən qarşıdan gələn 52 yaşlı Yuxarıqəsil kənd sakini Həmidov Rəqif Həmdiyyə oğlunun idarə etdiyi "VAZ-2107" markalı avtomobillə toqquşub.
Nəticədə "VAZ-2107"nin sərnişini 49 yaşlı Həmidova Bahar Ziyad qızı aldığı xəsarətlərdən rayon xəstəxanasında ölüb. Sürücü R. Həmidov, sərnişin Həmidova Elmira Məmməd qızı və 11 yaşlı Həmidov Nicat Raqif oğlu Ağdaş rayon Mərkəzi Xəstəxanasına yerləşdiriblər.
Faktla bağlı cinayət işi başlanıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
