Yağışla müşayiət olunan qısamüddətli külək Mingəçevirdə bir sıra fəsadlara yol açıb.
APA-nın Mingəçevir bürosunun məlumatına görə, küləyin təsirindən şəhərin bir sıra istiqamətlərində bəzi ağaclar və ya ağacların iri budaqları sınaraq avtomobil və piyada yoluna düşüb.
M.P.Vaqif küçəsində gövdəsindən qopan ağac yolu kəsib. M.Maqomayev küçəsində kökü yerdən ayrılan iri çinar piyada və nəqliyyat vasitələrinin hərəkətinə təhlükə yaradıb. Ağac təsərrüfat qurumu tərəfindən ərazidən götürülüb.
Eyni zamanda, bir sıra istiqamətlərdə, o cümlədən Günəşli yaşayış massivi ərazisində elektrik enerjisinin ötürülməsində fasilələr yaranıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
