Gəncədə piyadanın ölümü ilə nəticələnən yol qəzası baş verib.
APA-nın məlumatına görə, hadisə şəhərin Heydər Əliyev prospektində qeydə alınıb.
Şəmistan Mirzəyev idarə etdiyi “VAZ 21015” markalı minik avtomobili ilə hərəkətdə olan zaman yolu keçmək istəyən 1947-ci il təvəllüdlü Səfərova Ailmə Bəhrəm qızını vurub. Qadın sürücü tərəfindən xəstəxanaya çatdırılsa da, dünyasını dəyişib.
Hadisə yerinə DYP əməkdaşları cəlb olunub.
Faktla bağlı araşdırma aparılır.