ABŞ-da 23 yaşlı azərbaycanlı qız itkin düşüb

APA-nın Vaşinqton müxbirinin verdiyi məlumata görə, Azərbaycan vətəndaşı Evelin Vəlibəyovanı sonuncu dəfə iyulun 16-da işə gedərkən görüblər. O, Kembricdə “Area 4” restoranında işləyir. İyulun 16-da evdən çıxıb və geri qayıtmayıb. Ailəsi baş verənlərlə bağlı polisə müraciət edib. Dostlarının sözlərinə görə, Evelin Vəlibəyova həmişə bir yerə gedəndə evə əvvəldən xəbər verirmiş.