Siyəzəndə güclü yanğınlar başlayıb

Bu gün Siyəzən rayonunda dağlıq ərazidə otlaq sahənin yanması və ərazidə müşahidə edilən küləkli hava şəraitinin alovun sürətlə yayılmasına səbəb olması barədə Fövqəladə Hallar Nazirliyinə məlumat daxil olub. Lent.az-ın nazirliyin saytına istinadən verdiyi məlumata görə, FHN-in canlı qüvvəsi və texnikası dərhal hadisə yerinə cəlb edilib. Yaxınlıqda yerləşən fermalar yanğınsöndürənlər tərəfindən yanğından mühafizə edilib.

İlkin məlumata görə, yanğının ümumi sahəsi 300-400 ha təşkil edir. Hazırda nazirliyin aidiyyəti qüvvələri tərəfindən yanğının söndürülməsi istiqamətində müvafiq iş aparılır.