Bakıda ağır qəza: 2 ölü

Avqustun 3-nə keçən gecə Bakıda ağır yol qəzası baş verib.

Xətai rayon Polis İdarəsindən Lent.az-a verilən məlumata görə, rayon ərazisində “VAZ 2107” və “Chevrolet” markalı iki avtomobil toqquşub. Nəticədə 2 nəfər hadisə yerində ölüb. Daha bir neçə nəfər isə ağır vəziyyətdə xəstəxanaya yerləşdirilib.

Hadisə yerinə hüquq-mühafizə orqanlarının nümayəndələri yollanıb. Qəzanın hansı səbəbdən baş verdiyi məlum deyil. Faktla əlaqədar cinayət işi başlanılıb.

Nizam RZA