Gəncədə evinə qaytarılan 16 yaşlı qız yenidən yoxa çıxıb - FOTO

Gəncə şəhərində 16 yaşlı qız yoxa çıxıb. Şəhər Polis İdarəsindən Lent.az-a verilən məlumata görə, şəhər sakini, 1995-ci il təvəllüdlü Ənnağıyeva Nuray Sahib qızı bu il aprelin 11-də yaşadığı evdən gedib və bir daha geri qayıtmayıb. Nuray Ənnağıyevanın xarakterik əlamətləri aşağıdakılardır.

Boyu 1 metr 55 santimetr, orta köklükdə, qarayanız, gözləri qaradır, saçları sarıya rənglənib. Evdən çıxarkən əynində qara cins şalvar, ağ papaqlı kofta və ağ rəngli idman ayaqqabısı olub.

Onu görənlərdən və ya yerini bilənlərdən 102 Xidmətinə, Gəncə şəhərində (022)-56-07-73, (022)-56-52-19, eyni zamanda, (050) 327-58-50, (055) 637-77-39 nömrəli şəhər və mobil telefonlara zəng vurmaları xahiş olunur.

Qeyd edək ki, N.Ənnağıyevanın yoxa çıxması ilə bağlı xəbər Lent.az-da bir neçə ay əvvəl də yerləşdirilmiş və dərhal sonra qız tapılaraq ailəsinə təhvil verilmişdi. Lakin bir neçə gün keçdikdən sonra qız yenidən yoxa çıxıb. Daha sonra isə N.Ənnağıyevanın anası yenidən polisə müraciət edərək qızının itkin düşməsi ilə bağlı məlumatın Lent.az saytında yenidən yerləşdirilməsini xahiş edir.

Nizam RZA