Bakıda 2 kilometrlik nəhəng tıxac

Bu gün səhər saatlarından etibarən Heydər Əliyev adına Beynəlxalq Hava Limanından paytaxtın Əzizbəyov metrosu istiqamətinə aparan 4 xətli yol bağlanıb. Lent.az-ın məlumatına görə, iyunun 26-də keçiriləcək hərbi paradla əlaqədar bağlanan yol şəhərin bu istiqamətdən girişində nəhəng tıxac yaranmasına səbəb olub. Belə ki, hazırda həmin istiqamətdə tıxacın uzunluğu təxminən 2-3 kilometrə çatır.

Bu istiqamətdən şəhərə daxil olan yollar bağlanıb. Hazırda Heydər Əliyev prospektinə də girişlər bağlanıb. Yol polisindən Lent.az-a bildiriblər ki, prospektə tək-tək maşınlar buraxılsa da, Nərimanov metrosu tərəfdə artıq şəhərə giriş bütövlükdə bağlanıb.

Qeyd edək ki, bu istiqamətlərdə şəhərdən çıxış üçün yollar açıqdır. Bağlanan yollar ancaq şəhərin mərkəzinə daxil olma istiqamətindədir.

Anar GƏRAYLI