Toydan qayıdan üç dost qəzaya düşdü: 2 ölü, 1 yaralı

İyunun 12-də Xaçmaz rayonu ərazisində ölümlə nəticələnən yol-nəqliyyat hadisəsi baş verib. Qəza Xaçmazın Həsənqala kəndi ərazisində qeydə alınıb. Lent.az-ın bölgə müxbirinin verdiyi məlumata görə, Bakı şəhər sakini Tural Nəsibova məxsus 90 DL 066 dövlət nömrə nişanlı, “Hyundai Santa Fe” markalı avtomaşın idarəetməni itirərək, dərəyə aşıb. Qəza zamanı maşında dostlarının toyundan qayıdan 3 dost olub. Onlardan ikisi - Seymur və Tahir Alimov dünyasını dəyişib. Tural Nəsibov isə ağır bədən xəsarətləri ilə xəstəxanaya yerləşdirilib.

Hadisə yerini müayinə etməyə gələn Xaçmaz rayon Polis Şöbəsinin müstəntiqi Cabir İslamov maşının düşdüyü dərəyə yıxılıb və xəsarət alıb. Bu səbəbdən hadisənin hansı səbəbdən baş verdiyi müstəntiqdən dəqiqləşdirmək mümkün olmayıb. Amma ilkin ehtimallara görə, qəza avtomaşının yüksək sürətlə sərxoş vəziyyətdə idarə olunması üzündən baş verib.

Faktla bağlı cinayət işi açılıb, araşdırmalar davam etdirilir.

Vəli Turan