22 may aksiyasında həbs edilənlər apelyasiya şikayəti verdi
27 may 2011 14:31 (UTC +04:00)

22 may aksiyasında həbs edilənlər apelyasiya şikayəti verdi

Mayın 22-də Dənizkənarı Milli Parkda razılaşdırılmamış aksiya keçirməyə cəhd edərkən saxlanılaraq Səbayel Rayon Məhkəməsi tərəfindən sutkalıq həbs cəzasına məhkum edilən gənclər – Emin Fərhadi, Ağası Şakiroğlu, Orxan Carçıyev və Cəmil Hacıyevin işindən apelyasiya şikayəti verilib.

Bu barədə Lent.az-a vəkil Əsabəli Mustafayev məlumat verib. O bildirib ki, bu gün 4 gəncinin hamısının işini Bakı Apelyasiya Məhkəməsinə təqdim edib.

Qeyd edək ki, mayın 22-də keçirilən aksiyada həbs olunan Emin Fərhadi, Orxan Carçıyev 8, Cəmil Hacıyev və Ağasif Şakiroğlu isə 7 sutka müddətinə azadlıqdan məhrum olunub.

Anar GƏRAYLI
# 379

Oxşar yazılar