Bakıda peşəkar dələduz tutulub
27 may 2011 12:22 (UTC +04:00)

Bakıda peşəkar dələduz tutulub

Bakı şəhər Baş Polis İdarəsindən Lent.az-a verilən məlumata görə, Xətai RPİ 37-ci PB-nin əməkdaşlarının keçirdikləri əməliyyat-axtarış tədbirləri nəticəsində Cinayət Məcəlləsinin 178-ci (dələduzluq) maddəsi ilə axtarışda olan Teylor İbrahimov tutulub.


Xətai RPİ-dən Lent.az-a verilən məlumata görə, yaxalanan T.İbrahimov peşəkar dələduzdur. O, hər hansı yerdə işləməsə də, əhalini inandıraraq onlardan min manatlarla pul alıb. Sonuncu dəfə isə T.İbrahimov bir neçə nəfəri ali məktəbə düzəldəcəyini bildirib və onlardan 60 min manata yaxın pul alıb.


Qeyd edək ki, T.İbrahimov bu vaxtadək 3 dəfə dələduzluq və bu kimi əməllərə görə məhbəs həyatı yaşayıb.

Nizam RZA
# 452

Oxşar yazılar