Əhəd Məmmədli və Elnur İsrafilovun işindən apelyasiya şikayəti verildi

Bu barədə Lent.az-a vəkil Yalçın İmanov məlumat verib. O bildirib ki, Əhəd Məmmədli və Elnur İsrafilovun həbslərinin ev dustaqlığı ilə əvəzlənməsi ilə bağlı qaldırdıqları vəsatəti təmin etməyən Səbayel Rayon Məhkəməsinin qərarından yuxarı instansiyaya şikayət ediblər.

Qeyd edək ki, mayın 24-də keçirilən prosesdə Səbayel Rayon Məhkəməsi Əhəd Məmmədli və Elnur İsrafilovun həbslərinin ev dustaqlığı ilə əvəzlənməsi barədə qaldırılmış vəsatəti təmin etməmişdi.

Xatırladaq ki, Əhəd Məmmədli Cinayət Məcəlləsinin 233-cü (İctimai qaydanın pozulmasına səbəb olan hərəkətləri təşkil etmə və ya bu hərəkətlərdə iştirak etmə) və 315-ci (hakimiyyət nümayəndələrinə qarşı müqavimət göstərmə və zor tətbiq etmə) maddələri ilə təqsirli bilinir. Elnur İsrafilov isə 233-cü maddə ilə ittiham olunur.