Bədbəxt hadisələr nəticəsində 4 nəfər ölüb

Lent.az-ın Daxili İşlər Nazirliyinin mətbuat xidmətinə istinadən verdiyi məlumata görə, İsmayıllı rayonunun Hacıhətəmli kəndində, kənd sakini 13 yaşlı Sərvər Azayev həyətdəki ağacdan yıxılaraq ölüb. Qax rayonunun Əlibəyli kəndi ərazisində, kənd sakini Qoqita Basalaşvili isə "T-150" markalı traktoru arxaya verərkən həmkəndlisi Ramazan Hacıyev ehtiyatsızlıq nəticəsində onun altında qalıb. Q.Basalaşvili hadisə yerindəcə keçinib.

Astara şəhərinin ərazisində isə şəhər sakini Gülağa Məmmədov Xəzər dənizində balıq tutarkən suya düşərək boğulub. G.Məmmədovun meyiti sudan çıxarılıb. Mayın 6-na keçən gecə Bakıda da bədbəxt hadisə baş verib. Nərimanov rayonu ərazisində yaşayan Kamal Heydərov mənzilində dəm qazından zəhərlənərək ölüb.

Bütün faktlarla bağlı araşdırma aparılır.

Nizam RZA