Salyanda 2 qardaş bacılarını öldürüb və Kürə atıb
12 noyabr 2009 16:30 (UTC +04:00)

Salyanda 2 qardaş bacılarını öldürüb və Kürə atıb

Dəhşətli qətlin üstü 12 ildən sonra açıldı


1997-ci ilin iyun ayında Salyan rayonundakı C.Cabbarlı küçəsində yaşayan, əvvəllər məhkum olunmuş Elçin Hüseynov qardaşı Anarla birgə bacıları Elnarəni qısqanclıq zəminində boğub, cəsədini isə evlərinin yaxınlığında torpağa basdırıblar.


Daxili İşlər Nazirliyinin mətbuat xidmətindən Lent.az-a verilən məlumata görə, 1997-ci ilin dekabr ayında Elçin Hüseynov və qardaşı Anar ataları İzzətin məsləhəti ilə Elnarənin cəsədini basdırdıqları yerdən çıxarıb torbaya qoyaraq, Qaraqaşlı kəndi ərazisində Kür çayına atıblar.


Salyan RPŞ əməkdaşlarının keçirdikləri əməliyyat-axtarış tədbirləri nəticəsində Elçin Hüseynov tutulub, Anarın tutulması üçün tədbirlər davam etdirilir.


Faktla əlaqədar rayon prokurorluğu tərəfindən cinayət işi başlanılıb.
1 2 3 4 5 İDMAN XƏBƏRLƏRİ
# 321

Oxşar yazılar