Tibbi alətlə sərhəddən heroin keçirən İran vətəndaşın məhkəməsi qarşısında
05 noyabr 2009 15:15 (UTC +04:00)

Tibbi alətlə sərhəddən heroin keçirən İran vətəndaşın məhkəməsi qarşısında

Bibab İbrahimi Astara gömrükçüləri saxlayıblar


İrandan Azərbaycana qaçaqmalçılıq yolu ilə külli miqdarda narkotik vasitə olan heroin keçirməkdə təqsirləndirilən İran vətəndaşının məhkəməsi başlayıb.

Lent.az-ın müxbirinin verdiyi məlumata görə, bu gün Ağır Cinayətlərə Dair İşlər üzrə Məhkəmədə hakim Eldar Mikayılovun sədrliyi ilə keçirilən prosesdə İran vətəndaşı Bibab İbrahimin işi üzrə hazırlıq iclası keçirilib.

Bibsb İbrahimi 25 iyul 2009-cu ildə külli miqdarda heroini belinə bağladığı tibbi bel kəmərinin içərisində İrandan Azərbaycana keçirmək istəyərkən Astara gömrük xidmətinin əməkdaşları tərəfindən saxlanılıb.


O, Cinayət Məcəlləsinin 206.3.2, 234.2.3 maddələri ittiham olunur. Məhkəmə baxışı noyabrın 10-a təyin olunub.
# 244

Oxşar yazılar