Prezident Aparatının yaxınlığına bomba qoyulması barədə məlumat daxil olub
04 noyabr 2009 11:00 (UTC +04:00)

Prezident Aparatının yaxınlığına bomba qoyulması barədə məlumat daxil olub

Məlumat əsasında ərazidə axtarış tədbirləri həyata keçirilir


Azərbaycan Prezident Administrasiyasının yaxınlığına partlayıcı qurğu qoyulması barədə polisə məlumat daxil olub.


Bu barədə APA-ya Səbayel rayon Polis İdarəsindən məlumat verilib.

Bu gün saat 11.00 radələrində Fövqəladə Hallar Nazirliyinin (FHN) “112” xidmətinə zəng edən naməlum şəxs Prezident Aparatının yaxınlığına partlayıcı qurğu qoyulması barədə məlumat verib. Məlumat dərhal Daxili İşlər Nazirliyinin “102” xidmətinə ötürülüb.


Əraziyə FHN və polis əməkdaşları cəlb edilib. Hazırda daxil olan məlumat əsasında ərazidə axtarış tədbirləri həyata keçirilir.
# 1406

Oxşar yazılar