Bərdədə 23 yaşlı oğlan anasını öldürdü

Elmicat Qarayev 46 yaşlı qadını ürəyindən bıçaqlayıb

Azərbaycanın Bərdə rayonunda oğul anasını qətlə yetirib. Bu barədə APA-ya Bərdə rayon Prokurorluğundan məlumat verilib.

Hadisə ötən gecə baş verib. Kəlbəcər rayon sakini, 1986-cı il təvəllüdlü Nicat Elmicat oğlu Qarayev yaşadıqları evdə, anası, 1963-cü il təvəllüdlü Zemfira Əkbər qızı Novruzovanı ürək nahiyəsindən bıçaqlayaraq öldürüb.

Hadisə barədə polisə məlumat daxil olan kimi dərhal əməliyyat-istintaq qrupu yaradılıb. Həyata keçirilən axtarış tədbirləri nəticəsində N. Qarayev həbs edilib. Araşdırmalar nəticəsində qətlin qısqanclıq zəminində baş verdiyi müəyyənləşib.

Faktla bağlı Bərdə rayon Prokurorluğu tərəfindən Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, zəruri əməliyyat-istintaq tədbirləri davam etdirilir.