Məsciddə intihar
03 noyabr 2009 13:45 (UTC +04:00)

Məsciddə intihar

İmam özünü ibadət evində asdı
Türkiyədə Artvin bölgəsinin Ardanuç rayonunun Hamurlu kəndinin 43 yaşlı imamı Camal Kılıç bu gün kənd məscidində özünü asıb.

Lent.az-ın Türkiyənin NTV telekanalına istinadən verdiyi məlumata görə, imam intihardan az əvvəl əmisi oğlu İsmayıl Kılıca zəng edib və durumunun pis olduğunu söyləyərək, təcili kəndə gəlməsini istəyib.

Özünü asmazdan əvvəl Camal Kılıc məscidin divarına “əlvida canım, əlvida məscidim” sözlərini yazıb.

Qeyd edək ki, olay yaşandığı vaxt imamın həyat yoldaşı qonşu kəndə, valideynlərinin yanına qonaq gedibmiş.

O da məlum olub ki, imam 17 ildir ki, evlidir, uşağı olmur. Keçən il həyat yoldaşı ilə birlikdə süni mayalanma yolu ilə uşaqlarının olması üçün xəstəxanaya da baş vurub, ancaq tibbi müdaxilə də cütlüyün uşaq arzusunun yolunu açmayıb.
# 294

Oxşar yazılar