Seksual manyakın evindən 6 cəsəd tapılıb
02 noyabr 2009 17:15 (UTC +04:00)

Seksual manyakın evindən 6 cəsəd tapılıb

O, zorlamaya görə 15 il həbsdə yatıb


1989-cu ildə zorlama cinayətində təqsirli bilinib 15 il müddətinə azadlıqdan məhrum edilən və 5 il əvvəl azadlığa çıxan Anton Sovell amerikalıları dəhşətə salıb.


Lent.az-ın məlumatına görə, ABŞ-ın Ohayo ştatının polisi bir neçə nəfəri xüsusi amansızlıqla öldürməkdə və digər ağır cinayətlərdə ittiham olunan şəxsi həbs edib. Onun evində artıq çürüməkdə olan 6 meyit tapılıb.


Klivlendin 50 yaşlı sakini “şəxsi qəbiristanlığa” çevirdiyi evinin yaxınlığında tutulub. Üç meyit onun evinin zirzəmisində, daha 3 cəsəd isə bağında tapılıb.


Entoni Soull bundan əvvəl 1989-cu ildə törətdiyi zorlamaya görə 15 il həbsdə yatıb. Polis işçiləri yeni zorlama faktı ilə bağlı yenidən onun evinə gəliblər. Soull evdə olmadığından, polis axtarışa başlayıb. Bu zaman zirzəmidə üstü torpaqla örtülmüş 3 cəsəd tapılıb. Bir gün sonra isə bağda qazıntı işlərinə başlayan polislər basdırılmış daha 3 meyit tapıblar.


Mərhumların hamısı qadındır. Onlardan 5-i boğulma nəticəsində keçinib. Daha bir qadının ölüm səbəbləri dəqiqləşdirilir. Bütün meyitlər müxtəlif dərəcədə çürüyüb.

Hazırda polis mümkün qurbanların axtarışı ilə məşğuldur. Artıq indiyə kimi itkin düşmüş qadınlarla bağlı araşdırmalara başlanılıb.
1 2 3 4 5 İDMAN XƏBƏRLƏRİ
# 353

Oxşar yazılar