Tikinti şirkətinin rəhbəri özünü asıb

"Azərbaycan Bayrağı" ordenli sabiq hərbçinin meyiti ofisində aşkarlanıb

Bakıda tikinti şirkətinin rəhbəri intihar edib.

Lent.az-ın xəbər verir ki, bu barədə “anspress”ə Binəqədi rayon Prokurorluğundan bildirilib.

Oktyabrın 14-də saat 22.00 radələrində tikinti ilə məşğul olan “Oray” MMC-nin rəhbəri, Laçın rayonunda anadan olmuş 35 yaşlı Qaşqay Həsənov özünü kəndirlə asıb. Onun meyiti şirkətin Binəqədi rayonu, 6-cı mikrorayon, 1410-cu keçid, ev 15/2-də yerləşən ofisində asılmış vəziyyətdə aşkarlanıb.

Şirkət rəhbərinin özünü öldürməsinin səbəbləri hələlik məlum deyil. Hadisə yerində Binəqədi rayon Prokurorluğunun əməkdaşları araşdırma aparırlar.

Qeyd edək ki, Q. Həsənov tikinti biznesi ilə məşğul olmazdan əvvəl hərbçi olub. Qarabağ savaşında xidmətlərinə görə, "Azərbaycan Bayrağı" ordeni ilə təltif edilib.