Göygöldə yaşayış binası partladı: 3 yaralı

Partlayış Qarabağ müharibəsi əlilləri və şəhid ailələrinin yaşadığı binada olub

Ötən gecə Göygöldə Qarabağ müharibəsi əlilləri və şəhid ailələri üçün tikilmiş binada partlayış olub. İlkin ehtimala görə, partlayışa səbəb qaz sızmasıdır.

Partlayış nəticəsində Rövşnə Nəsibov məhəlləsində yerləşən 5 saylı, 2 mərtəbəli, 16 mənzilli binadakı 5 mənzil yararsız hala düşüb. Mənzillər 1970-ci il təvəllüdlü Allahverdiyev Zaməddin Papır oğluna, 1974-cü il təvəllüdlü Abbasov Vaqif Yaşar oğluna, 1971-ci il təvəllüdlü Əhmədov Alik Həsən oğluna, 1972-ci il təvəllüdlü Məmmədov Elcan İlya oğluna, 1971-ci il təvəllüdlü Bayramov Azay Fərrux oğluna məxsusdur.

Hadisənin hansı mənzildə baş verdiyi araşdırılır.

Göygöl rayon Polis şöbəsindən Lent.az-ın Gəncəbasar müxbirinə verilən məlumata görə, hadisə zamanı mənzillərdə heç kim olmayıb. Ancaq binanın qarşısında duran 3 nəfər xəsarət alıb. Xəsarət alan Həsənov İbrahim Cumalı oğlu, Abbasov Raib Yaşar oğlu və Hacıyev Akif Əli oğlu xəstəxanaya çatdırılıb.

Faktla bağlı rayon Prokurorluğu tərəfindən araşdırma aparılır.

Vüsalə Cənnətova