Ermənilər Azərbaycan Ordusunun əsgərini yaralayıblar

18 yaşlı hərbçinin vəziyyəti normaldır

Ermənistan Silahlı Qüvvələri bu gün səhər saatlarından başlayaraq, Ağcabədi rayonu istiqamətində atəşkəsi pozub.

APA-nın Qarabağ bürosunun məlumatına görə, ermənilərin açdığı atəş nəticəsində Azərbaycan Ordusunun əsgəri, 2008-ci ildə Qazax rayon Hərbi Komissarlığından hərbi xidmətə çağırılan 1991-ci il təvəllüdlü Mehbalıyev Samir Nizam oğlu çiyin nahiyəsindən yüngül yaralanıb. Yaralıya ilkin tibbi yardım göstərilib və hərbi hissəyə qaytarılıb.

Müdafiə Nazirliyi APA-ya faktı təsdiqləyib. Yaralanan əsgərin vəziyyətinin normal olduğu bildirilib.

Cəbhənin Ağdam rayonu istiqamətində isə Azərbaycan Ordusunun giziri yaralanıb. APA-nın Qarabağ bürosu xəbər verir ki, Kərimov Rahib Mirələm oğlu silahla ehtiyatsız davranaraq atəş açıb və ayağından yaralanıb. Onun vəziyyəti kafidir.