Valideynləri 8 yaşlı qızı donduraraq öldürüblər

Fransada inanılmaz cinayət törədilib.

Lent.az-ın məlumatına görə, bu barədə “Liberation” qəzeti xəbər yayıb. Qəzet yazır ki, valideynləri 8 yaşlı qızı dondurucu anbara salaraq öldürüblər.

Belə ki, valideynləri qızcığazı möhkəm döyüblər. Azyaşlı aldığı zərbələrdən huşunu itirib. Qatil ata-ana bayılan qızı diri-diri yaşadıqları binanın zirzəmisindəki dondurucu anbara atıblar. Qızcığaz orada donaraq ölüb.

Bundan sonra valideynləri polisə müraciət edərək, qızlarının itkin düşdüyünü bildiriblər. Araşdırma nəticəsində cinayətin üstü açılıb. Məlum olub ki, qızın 37 yaşlı atası daha əvvəl də onu döyərək xəstəxanalıq edibmiş. Bu barədə polis protokollarında qeydlər var.

Ölən qızcığazdan başqa daha 3 övladı olan valideynləri ömürlük həbs cəzası gözləyir.