Adnan Hacızadə və Emin Millinin üzərindən həbs qətimkan tədbiri götürülmədi

Foto və videogörüntüyə icazə verilmədi

Sentyabrın 4-də günün ikinci yarısında Səbail Rayon Məhkəməsində hakim Araz Hüseynovun sədrliyi ilə Adnan Hacızadə və Emin Millinin işi üzrə məhkəmə prosesində müdafiə tərəfinin vəkillərinin vəsatətləri rədd olunub.

Lent.az-ın müxbirinin verdiyi məlumata görə, bu barədə məhkəmə heyəti müşavirədən sonra qərarını açıqlayıb.

Qeyd edək ki, günün birinci yarısında müdafiə tərəfinin vəkilləri İsaxan Aşurov və Elton Quliyev məhkəmə prosesinin ictimaiyyət üçün açıq olması, mətbuat işçilərinin iştirakına, foto və video çəkilişə şərait yaradılması, təqsirləndirilən şəxslərin üzərindən həbs-qəti imkan tədbirinin götürülməsi barədə vəsatətlə çıxış ediblər.

Növbəti məhkəmə prosesi 16 sentyabr saat 11:00-da keçiriləcək.

Qeyd edək ki, məhkəmə prosesində Avropa Şurası və ATƏT-in Bakı nümayəndəliklərinin, ABŞ səfirliyinin təmsilçiləri, millət vəkilləri Pənah Hüseyn, Cəmil Həsənli, Arzu Səmədbəyli iştirak ediblər.