Şagirdini zorlayan müəllim şikəst, həm də baba imiş! - MÜSAHİBƏ

Hadisənin şok təfərrüatları Lent.az-da

Bakıda 50 yaşlı müəllimin 14 yaşlı şagirdi ilə cinsi əlaqədə olması faktı üzə çıxdıqdan sonra bu xəbər çoxlarını şoka salıb. Lent.az-ın əməkdaşı müəllimin işlədiyi (həmçinin şagirdin təhsil aldığı) 294 saylı məktəbin direktoru Mübariz Novruzovla söhbət edib.

- Yusibov Şahin Fəriş oğlu sizin rəhbərlik etdiyiniz kollektivin üzvü olub. Onda hansısa fərqli əlamətlər hiss etmisinizmi? Özünü necə aparırdı?

- Yox, heç nə hiss olunmayıb. Adi müəllim olub. Bu hadisə dərs vaxtından sonra baş verib, özü də 3 il əvvəl.

- Müəllimlə şagird arasında yaxınlıq yalnız bir dəfə olub?

- Siz bu hadisədən nə qədər xəbərdarsınızsa, biz də o qədər bilirik. Yəni, mənim çox məlumatım yoxdur. Şahin Yusibov adi müəllim kimi dərsə gəlib-gedib, şagird də həmçinin.

- Bu, zorlanma hadisəsidir, yoxsa...

- Bilmirəm, hadisəni prokurorluq orqanı araşdırır.

- Qızın valideynləri bu məsələ ilə bağlı sizinlə söhbət edibmi?

- Yox, heç bir söhbət olmayıb.

- Zərərçəkən şagird iyun ayına qədər, yəni dərslər bitən vaxta kimi məktəbə gəlirdimi?

- Qız nümunəvi şagirdimiz olub.

- Müəllimin ixtisası nə olub?

- İncəsənət institutunu qurtarıb. Məktəbdə musiqi dərnəyinin rəhbəri idi. Lakin 3 ay əvvəl öz ərizəsilə işdən çıxıb. Onun səhhətində problem var idi. İşdən çıxmasına səbəb kimi də məhz səhhətindəki problemi göstərdi.

- Nə problem?

- Həmin adam bir ayağından şikəstdir. Onun ayağı ömürboyu gipsdə olub, həmçinin ayağına mil qoyulub. Bir sözlə, şikəstdir.

- Müəllim ailəlidir?

- Bəli. Oğlanları, 2 gəlini, qızı, 2 nəvəsi var...

Pərvin ABBASOV