Məhkəmə insan öldürülməsinə icazə verdi

Avstraliyanın Perta şəhər məhkəməsi dünya tarixində ilk dəfə tam iflic olmuş Kristian Rossiterin ona yemək verilməsinin dayandırılması və ölməyə imkan verilməsi barədə xahişini təmin edib.
Lent.az-ın Rusiya mətbuatına istinadən yaydığı məlumata görə, Kristian Rossiteri velosipedlə gedərkən avtomobil vurub və o, hündürlükdən aşağı düşməsi nəticəsində iflic olub.
O, hazırkı yaşamını cəhənnəmlə müqayisə edib və ölmək istədiyini bildirib.
Perta şəhər məhkəməsinin qərarına görə, hazırda Kristian Rossiterin olduğu əlillər üçün internatın əməkdaşları xəstəyə süni yemək verilməsini dayandıra bilərlər, bu halda onların hərəkətləri kriminal xarakter daşımayacaq.
Qeyd edək ki, bu ilin mayında bir qədər buna oxşar qərar Cənubi Koreyada qəbul olunub. Cənubi Koreyada məhkəmə koma vəziyyətində olan qadının ölümünə icazə verib.