Ana əkiz körpələrini amansızlıqla qətlə yetirib

Onlardan birini doğulan kimi boğub, digərini ana bətnində yumruqlayaraq öldürüb

Almaniyada dəhşətli qətl törədilib.

21 yaşlı qadın iki körpəsini amansızlıqla qətlə yetirib. Lent.az-ın məlumatına görə, hadisə bu ilin martında baş verib. 21 yaşlı Fransiska S.-nin məhkəməsi başlayıb. Pedaqoji Universitetin tələbəsi olan Fransiska istəmədiyi halda hamilə qalıb.
Martın 24-də doğuş sancısı başlayan qadın uşağını evdə doğmağa qərar verib. O, hamamda vannaya oturaraq ilk övladını dünyaya gətirib. Uşaq ana bətnindən çıxan kimi qatil ana onu əlləri ilə boğaraq öldürüb, cəsədini isə yastıq üzünün içinə salıb.
Ancaq doğuş sancıları davam edib. Fransiska qarnında əkiz uşaq olduğunu anlayıb. Qadın onun doğulmasına aman vermədən elə qarnındaca öldürmək istəyib. Bu məqsədlə qarnını yumruqlayıb.

Ağrı get-gedə şiddətlənib və Fransiska buna tab gətirməyərək qışqırmağa başlayıb. Səsə yuxudan ayılan atası təcili tibbi yardıma zəng edib və qızını xəstəxanaya aparıblar. Xəstəxanaya çatanda qadının bətnindəki körpənin öldüyü müəyyənləşib.
İndi alman ictimaiyyəti məhkəmənin qadına hansı cəza verəcəyini gözləyir.