Nigeriyada hücuma məruz qalan gəmidə 2 azərbaycanlı varmış

Nigeriya sahillərində dəniz quldurlarının silahlı hücumuna məruz qalan “Düden” gəmisində iki azərbaycanlı var.

Bu barədə APA-ya Türkiyənin Dəniz Müstəşarlığından məlumat verilib.

Müstəşarlıqdan bildirilib ki, bütün heyət üzvlərinin, o cümlədən azərbaycanlı dənizçilərin də səhhəti normaldır.

Hələlik gəmi limana daxil olmayıb. Razılaşmanın olacağı halda günün sonuna qədər gəmi Port Harcourt limanına yan alacağı gözlənilir.

Azərbaycan Xarici İşlər Nazirliyi məsələ ilə bağlı Türkiyə Xarici İşlər Nazirliyinə müraciət edib. Müraciətdə Türkiyə XİN-dən bu ölkənin Nigeriyadakı səfirliyi vasitəsilə dəniz quldurlarının hücumuna məruz qalmış “Düden” gəmisində olan Azərbaycan vətəndaşları ilə əlaqə yaratmaq və onlara lazımi kömək göstərmək xahiş olunub.

“Azərbaycanın Nigeriyada səfirliyi olmadığı üçün Azərbaycan XİN Türkiyə XİN-ə müraciət edib” – deyə XİN-in mətbuat xidmətindən bildirilib.

Qeyd edək ki, Türkiyə bayrağı altında üzən “Düden” gəmisi avqustun 2-də Nigeriya sahillərində dəniz quldurlarının silahlı hücumuna məruz qalı