Sumqayıtda 18 yaşlı qız intihar edib

İntiharın səbəbləri bilinmir

Azərbaycanın Sumqayıt şəhərində özünü yaşadığı binanın 5-ci mərtəbəsindən ataraq intihar edən 18 yaşlı qız dünyasını dəyişib. Bu barədə Lent.az-a Sumqayıt şəhər Polis İdarəsindən məlumat verilib.

Məlumata görə, intihar hadisəsi bir neçə gün əvvəl qeydə alınıb. Sumqayıt şəhər sakini, 1991-ci il təvəllüdlü Lalə Mübariz qızı Əliyeva özünü yaşadığı binanın 5-ci mərtəbəsindən atıb. L.Əliyeva qonşularının köməkliyi ilə xəstəxanaya çatdırılıb. Lakin aldığı xəsarətlər həddən artıq ağır olduğundan həkimlər onun həyatını xilas edə bilməyib. O, bu gün səhər saatlarında Sumqayıt şəhər xəstəxanasında dünyasını dəyişib. Onun özünə qəsd etməsinin səbəbləri hələlik açıqlanmır.

Faktla bağlı Sumqayıt şəhər Prokurorluğu tərəfindən Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, araşdırma aparılır.