Tovuzda 16 yaşlı oğlan it dişləməsindən ölüb

Oğlanı toy mağarına hücum edən quduz it dişləyib

Tovuzda sahibsiz itin dişlədiyi 16 yaşlı oğlan 29 gün sonra dünyasını dəyişib. Mayın 13-də Tovuzun Aşağı Quşçu kəndində quduz it toy mağarında uşaqlara hücum edib. Heyvan 16 yaşlı kənd sakini Həsənov İltifat Feruz oğlunu hər iki qolundan dişləyib. Bundan sonra xəstəxanaya çatdırılan oğlana həkim tərəfindən quduzluğa qarşı peyvənd olunması məsləhət görülüb. Lakin apteklərdə peyvəndi tapa bilməyən valideynləri İltifat Həsənova peyvəndin əvəzedicisini tətbiq etməyi üstün biliblər. İltifat Həsənovun dayısı Kamandar Tağıyevin Lent.az-ın Gəncəbasar müxbirinə verdiyi məlumata görə, 28 gün sonra oğlanın vəziyyəti ağırlaşırb.

Bakıya xəstəxanaya aparsalar da, yeniyetmənin həyatını xilas etmək mümkün olmayıb.

Vüsalə Cənnətova