Türk mafiyasından “Kurtlar vadisi”nə gerçək ölüm təhdidi

Mafiya babası: “Söz verirəm, o qardaşların başını kəsəcəyəm”

Türkiyənin serial tarixində ən böyük rekorda imza atan “Kurtlar vadisi” filminin baş rol oyunçusu Necati Şaşmazla (“Polad Alemdar”) onun qardaşı, serialın rejissoru Raci Şaşmazı öldürməklə hədələyirlər.

Lent.az-ın “İHA”ya istinadən məlumatına görə, ölüm təhdidi Türkiyədə “Niriş qardaşlar” kimi tanınan mafiya babaları Nuru və Vədat Ergin qardaşlarından gəlib. Hazırda həbsxanada olan qardaşlardan Nuru Erginin bu gün məhkəməsi keçirilib. Mafiya babası məhkəmə zalına daxil olarkən üzünü jurnalistlərə tutaraq, ““Kurtlar vadisi”nin yaradıcı heyətinə söyləyin, ən qısa vaxtda iki qardaşın (Necati və Raci Şaşmaz-red) başını kəsəcəyəm, Söz verirəm, mətbuat nümayəndələri bunu bir yerə yazsınlar”, - deyib.