Ailəsinin 8 üzvünü öldürən qatil tutuldu

O, ata-anasını, qardaş-bacısını və onların övladlarını öldürdüyünü etiraf edib

Bu gün səhər Türkiyənin Adana şəhərində yaşadıqları mənzildə meyiti tapılan 8 nəfərin kimliyi müəyyənləşib.

Lent.az-ın məlumatına görə, qətlə yetirilənlər bir ailənin üzvləridir. Mənzildə cəsədi tapılanlar İbrahim Yüksəl (64 yaş), həyat yoldaşı Günay Yüksəl (62 yaş), qızı Nalan Yüksəl, oğlu Əli Yüksəl, gəlini Gül Yüksəl, nəvələri Vədat Yüksəl (6 yaş), Halil İbrahim Kopar (17 yaş) və Arif Kopardır (19 yaş).

Ailənin qatili hadisədən bir neçə saat sonra silahı ilə birlikdə yaxalanıb. Qatil İbrahim Yüksəlin oğlu, 1971-ci il təvəllüdlü Murad Yüksəldir. İlk dindirmə zamanı ailə üzvlərini qətlə yetirdiyini etiraf edən qatilin narkoman olduğu bildirilir.

İlkin ehtimala görə, qatillə ailənin digər üzvləri arasında pul üstündə mübahisə olub. Nəticədə M.Yüksəl inanılmaz cinayəti törədib.