DİN Neftçala Polis Şöbəsindəki intiharla bağlı məlumat yayıb
27 yanvar 2011 14:35 (UTC +04:00)

DİN Neftçala Polis Şöbəsindəki intiharla bağlı məlumat yayıb

Lent.az-ın nazirliyin saytına istinadən verdiyi məlumata görə, yanvarın 18-də Neftçala rayon sakini 1980-ci il təvəllüdlü Aydın Abbasov sərxoş halda ictimai qaydanı kobud surətdə pozub.

A.Abbasov onu intizama dəvət edən Neftçala RPŞ-nin əməkdaşlarına qarşı müqavimət göstərib, habelə onlara kömək edən rayon sakini Mehman Dadaşovu yumruqla vuraraq gödəkcəsini cırıb.

Qeyd edilənlərlə əlaqədar rayon prokurorluğu tərəfindən Azərbaycan Respublikası Cinayət Məcəlləsinin 315.1-ci (Hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi başlanıb və A.Abbasov saxlanılaraq Rayon Polis Şöbəsinin Müvəqqəti Saxlama Təcridxanasına (MST) yerləşdirilib.

Yanvarın 26-da saat 16.56-da A.Abbasov MST-də mələfə ilə özünü dəmir barmaqlıqdan asıb. Mərhumun intihardan əvvəl yazdığı məktub aşkar edilib. Orada yazılıb: “Ata, ana özümlə bacara bilmirəm. Bu həyatda yaşamaq istəmirəm. Ölümümdə heç kimin günahı yoxdur”.
# 426

Oxşar yazılar