Qohumların davasında 3 gənc bıçaqlandı

Yanvarın 25-dən 26-a keçən gecə Bakıda bıçaqlanma hadisəsi baş verib. Nizami rayon Polis İdarəsindən Lent.az-a verilən məlumata görə, Bakı şəhər sakini, 25 yaşlı İlkin Abdullayev münaqişə zəminində, qohumları, 23 yaşlı Səid Cəbrayılov, 24 yaşlı Fərid Əliyev və onun qardaşı, 16 yaşlı Ağaəli Əliyevi bıçaqlayıb.

Yaralılar ağır vəziyyətdə “Azərsutikinti” xəstəxanasına yerləşdirilib. Həkimlərin sözlərinə görə, Fərid Əliyevin vəziyyəti ağırdır. Ağaəli Əliyev və Səid Cəbrayılovun həyatı üçün isə ciddi təhlükə yoxdur.

Qeyd edək ki, hadisə qohumların arasında baş verən mübahisə nəticəsində olub. Belə ki, dayı və bibi oğulları arasında dava düşüb. Hadisəni törətdikdən sonra İ.Abdullayev qaçaraq gizlənib. İlkin əməliyyat-axtarış tədbirləri aparılır.

Nizam Rza