Yanğın 15 min abunəçini telefonsuz qoydu

Qısa müddət ərzində söndürülməsinə baxmayaraq, yanğın nəticəsində quyudakı rabitə əsas kabelərinin böyük hissəsi, o cümlədən optik kabellər tamamilə yanaraq sıradan çıxıb, ərazinin telefon-rabitə sisteminə ciddi ziyan dəyib.

Rabitə və İnformasiya Texnologiyaları Nazirliyindən “APA-ECONOMICS”ə verilən məlumata görə, kabellərin yanması nəticəsində ətraf ərazilərdəki 15 min abunəçinin telefon xətti sıradan çıxıb. Bunlar əsasən 568 və 569 indeksli ATS-lərin xətlərinin bir hissəsidir. Qəzanın nəticələrinin aradan qaldırılması üçün bütün texniki imkanların, təmir qruplarının səfərbər olunduğunu deyən nazirliyin mətbuat xidmətinin rəhbəri Müşfiq Əmirovun sözlərinə görə, xətlərin bərpası ayın sonunadək başa çatdırılacaq. Hadisə nəticəsində rabitə sisteminə təxminən 1 mln. manat zərər dəyib.