Günün tarixi

E.ə 65. Latın şairi Horas (Quintus Horatius Flaccus) anadan olub

1765. Pambıqtəmizləyən maşının ixtiraçısı Eli Uitney anadan olub

1826. Məşhur alman sənayeçisi Fridrix Siemens anadan olub

1918. Bolşeviklər Estoniyada hakimiyyəti ələ alıblar

1923. ABŞ Almaniya ilə dostluq müqaviləsi imzalayıb

1925. Adolf Hitler həbsxanada olarkən (1923-1924) yazdığı avtobioqrafik əsərini (Mənim mübarizəm) kitab şəklində çap etdirib

1930. Bəstəkar Tofiq Bakıxanov anadan olub

1941. Yaponların 7 dekabrda “Pearl Harbora”ya hücumundan sonra ABŞ və Birləşmiş Krallıq Yaponiyaya müharibə elan edib

1948. BMT Cənubi Koreyanı tanıyıb

1966. ABŞ və SSRİ atom silahlarının fəzaya buraxılmasının qadağan edilməsi haqqında razılaşmaya imza atıb

1970. BMT-nin Təhlükəsizlik Şurası Portuqaliyanı Qvineyada hərbi əməliyyatlara görə ittiham edib

1974. Yunanlar referendumda böyük səs çoxluğu ilə monarxiyanın ləğv olunması və respublikanın yaradılması lehinə səs veriblər

1985. Banqladeşdə 7 ölkənin iştirakı ilə Cənubi Asiya Regional əməkdaşlıq Assosiasiyası yaradılıb

1987. Vaşinqtonda Ronald Reqan və Mixail Qorbaçov “Nüvə başlıqlı orta mənzilli raketlərin məhdudlaşdırılması” haqqında müqaviləni imzalayıblar

1987. Fələstində “İntifada” hərəkatı başlayıb

1988. Ermənistandakı zəlzələ zonasında xilasetmə işləri aparmaq üçün azərbaycanlılardan ibarət 80 nəfərlik qrup Spitak rayonuna gəlib. Xilasedici dəstə özü ilə 28 avtokran da aparıb

1989. Cəlilabad rayonunda tətillər başlayıb, hakimiyyət orqanları işçiləri xalqın tərəfinə keçib

1991. Belorusiya Respublikasının Ali Soveti, RSFSR və Ukrayna prezidentlərinin təşəbbüsü ilə MDB yaradılıb (Belovejsk sazişi). Bu sazişlə dünyanın altıda birində qurulan Sovet imperiyası süqut edib. SSRİ-nin ömrü 68 il 11 ay 7 gün 21 saat 19 dəqiqə oldu. Sovet İttifaqının süqutu həm də iqtisadi əlaqələrin qırılması və regional münaqişələrlə müşayiət olundu.

1991. Azərbaycan İslam Konfransı Təşkilatına (İKT) üzv olub

1991. Milli ordunun ilk taboru Şəhidlər Xiyabanında Hərbi andı qəbul edib

1999. Bir çox Avropa ölkəsi Britaniyadan idxal olunan mal ətinə embarqo qoyub (dəli dana xəstəliyi ilə əlaqədar).

Günün aforizmi

“Siyasət dünyada ikinci ən qədim peşə hesab edilir. Mənim fikrincə, o birinci hesab olunmalıdır”.

Ronald Reqan