Qəzada həlak olan zəvvarlarımızın meyiti Bakıya gətirildi

Noyabrın 23-də Türkiyənin Sivas vilayətində baş verən yol qəzasında ölən 5 azərbaycanlı zəvvarın cənazəsi bu gecə Bakıya gətirilib. Lent.az-ın məlumatına görə, AZAL-ın göndərdiyi təyyarə ilə müalicəsi başa çatmış 16 nəfər də Sivasdan Bakıya göndərilib. 13 nəfər isə Türkiyə xəstəxanalarında müalicələrini davam etdirir.

Lent.az-a verilən məlumata görə, noyabrın 25-də saat 02.00 radələrində Bakıya gətirilən cənazələr Təzə Pir məscidinə aparılıb və bu gün səhər yaxınlarına təhvil veriləcək. Müalicəsini başa vurmuş zəvvarlar isə evə buraxılıb. Gecə saatları olmasına baxmayaraq, Binə Hava Limanında zəvvarları qarşılayan xeyli insan olub.

Xatırladaq ki, hadisə nəticəsində həlak olanlar Əhmədov Səməd Nazir oğlu (28 yaş), Hacıxanım Əlicanova (66 yaş), Solmaz Baxşəliyeva (69 yaş), Zemfira Dadaşova (45 yaş) və Məhərrəm Kərimovdur (72 yaş).

Nizam Rza