39 yaşlı kişi özünü kəndin ortasında asdı
24 noyabr 2010 12:01 (UTC +04:00)

39 yaşlı kişi özünü kəndin ortasında asdı

Noyabrın 23-də Lənkəranda intihar hadisəsi baş verib. Lent.az-ın rayon prokurorluğuna istinadən verdiyi məlumata görə, Gərmətük kənd sakini, 1971-ci il təvəllüdlü Hüseynov Müqabil Qəzənfər oğlu özünü öldürüb. O, özünü kənd yolunun üstündəki ağacdan kəndirlə asıb.

Kənd sakinləri M.Hüseynovun ağacdan asılmış meyitini tapıb və hüquq-mühafizə orqanlarına xəbər veriblər.

Qeyd edək ki, intihar etmiş şəxs ailəlidir və iki uşaq atası olub. 39 yaşlı kişinin özünü öldürməsinin səbəbləri hələlik məlum deyil.

Faktla bağlı rayon prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb.

Nizam Rza
# 381

Oxşar yazılar