Bakı-Şamaxı yolunda ailə faciəsi

Baş Dövlət Yol Polisi İdarəsinin müstəntiqi Rafiq Həsənovun APA-nın yerli bürosuna verdiyi məlumata görə, hadisə bu gün saat 17.00 radələrində Bakı-Şamaxı yolunun 35 km-də, Abşeron rayonu ərazisində qeydə alınıb.

Şəmkir Mərkəzi Rayon Xəstəxanasının cərrahiyyə şöbəsinin müdiri, tibb elmləri namizədi, 1958-ci il təvəllüdlü Allahverdiyev Dilqəm Cabbar oğlunun idarə etdiyi, 10 SB 052 dövlət nömrə nişanlı, “Mercedes-240” markalı avtomobil qarşı tərəfdən gələn, Abşeron rayon sakini, 1960-cı il təvəllüdlü Əliyev Mübariz Firuz oğlunun idarə etdiyi, “Akkord” şirkətinə məxsus 90 JD 129 dövlət nömrə nişanlı, “KamAZ” markalı avtomobillə toqquşub.

Qəza nəticəsində “Mercedes”in sürücüsü D. Allahverdiyev və onun həyat yoldaşı, 1961-ci il təvəllüdlü Axundova Mətanət Məmməd qızı hadisə yerində ölüb.

Faktla bağlı cinayət işi başlanıb, araşdırma aparılır.