Bakıda 1 gündə 12 yol qəzası olub: 4 ölü, 12 yaralı - YENİLƏNİB

Dövlət Yol Polisi İdarəsindən Lent.az-a verilən məlumata görə, hadisələr nəticəsində 4 nəfər ölüb, 12 şəxs isə müxtəlif bədən xəsarətləri alıb.

Ölümlə nəticələnən hadisələrdən biri Xətai rayonu ərazisində baş verib. Noyabrın 17-də saat 18.15-də Xətai rayonu ərazisindəki Zığ yolu küçəsində müəyyən edilməmiş avtomaşınla Bakı şəhər sakini Mataya Bağırova vurulub. Nəticədə M.Bağırova hadisə yerində ölüb.

Daha bir hadisə isə Xəzər rayonu ərazisində baş verib. noyabrın 18-nə keçən gecə Mərdəkan yolunda Bakı şəhər sakini Qismət Həsənov idarə etdiyi “Toyota-Prado” markalı maşını yol kənarındakı dirəyə çırpıb. Qəza nəticəsində sürücü aldığı xəsarətdən yerindəcə dünyasını dəyişib.

Gecə saatlarında Bakı-Quba yolunda da piyadanın vurulması ilə nəticələnən yol qəzaları baş verib. 00 radələrində Binəqədi rayonu ərazisində Sumqayıt şəhər sakini Adil Babayev idarə etdiyi "Range Rover" markalı avtomaşınla 55-60 yaşlı kişini vurub. Nəticədə həmin kişi hadisə yerində ölüb. Qəza yolun 7-ci kilometrliyində baş verib.

Bakı-Quba yolunun 9-cu kilometrliyində isə naməlum avtomobil hələlik şəxsiyyəti məüyyənləşməmiş kişini vurub. Həmin şəxs də ölüb.

Bütün hadisələrlə bağlı araşdırma aparılır.

Nizam Rza