Bakıda oğurluqda təqsirləndirilən 10 nəfər həbs olunub

Xəbərə görə, Xətai rayonu Nəsrəddin Tusi ünvanında yerləşən binanın liftinin hissələri oğurlanıb. Xətai rayon Polis İdarəsinin əməkdaşları tərəfindən oğurluqda şübhəli bilinən Peyman Kərimov və Saleh Əbdülhüseynov yaxalanıb.

Yasamal rayon Polis İdarəsinin əməkdaşları isə Bərdə rayon sakinləri Suliddin Qocayev və Şəhriyar Abbasovu Kamil Məmmədova məxsus mağazadan kondisioner oğurlamağa cəhd etdiklərinə görə, həbs ediblər.

Bakı şəhər Baş Polis İdarəsi Metropolitendə Polis Şöbəsinin əməkdaşları isə “28 May” metro stansiyasının yaxınlığındakı aptekdə Namidar Misirzadənənin unutduğu mobil telefonu oğurlayan Balaxanı qəsəbə sakini Viktorina Olyoşinanı yaxalayıblar.

Daha bir oğurluq hadisəsi isə Bakının Səbail rayonunda qeydə alınıb. Belə ki, Abdulla Məmmədovun mənzilindən 2800 dollar və qızıl üzük oğurlanıb. Səbail rayon Polis İdarəsinin əməkdaşları tərəfindən hadisədə təqsirləndirilən Biləcəri qəsəbə sakini Əli Mirzəyev yaxalanıb.

Sabunçu rayon Polis İdarəsinin əməkdaşları isə Zabrat sakini Mariya Xasayevanın mənzilindən qaynaq aparatı oğurlamaqda şübhəli bilinən Vahid Xəlilov və Eyvaz Mədətov yaxalanıb.

Daha bir oğurluq hadisəsi isə Nəsimi rayonunda baş verib. Nizami küçəsindəki kafedən 800 manat oğurlayan Salyan rayon sakini Seymur İsmayılov hadisə yerində yaxalanıb. Araşdırmalar zamanı onunla əlbir olan Bahar Əliyev də tutulub.

Hər bir faktla bağlı cinayət işi başlanılıb, araşdırma aparılır.