Qurban bayram ərəfəsində qoyun oğruları yaxalandı
16 noyabr 2010 11:14 (UTC +04:00)

Qurban bayram ərəfəsində qoyun oğruları yaxalandı

Quba şəhərində qoyun oğruları tutulub. Lent.az-ın bölgə müxbirinin məlumatına görə, şəhər sakini Fikrət Ağabalayev noyabrın 12-də həyətindən beş baş qoyunun itməsi ilə əlaqədar Quba rayon polis şöbəsinə müraciət edib.

RPŞ-nin əməkdaşlarının apardıqları araşdırma nəticəsində məlum olub ki, oğurluq hadisəsini törədənlər Quba şəhər sakinləri - 18 yaşlı Hüseynov Hüseyn Laçın oğlu və onun qardaşı, Hüseynov Cəmil Laçın oğlu olub. Araşdırma nəticəsində onların qoyun oğurluğunun bununla bitmədiyi üzə çıxıb. Bu hadisədən iki gün əvvəl Hüseyn Hüseynov və onun dostu Elşən Abdurəhmanov Quba şəhər sakini Rəsmiyyə Lətifovanın həyətindən də 2 baş qoyun oğurlayıb. RPŞ-dən Lent.az-a onu da bildiriblər ki, Hüseyn Hüseynov hadisəni hərbi xidmətdən qaçaraq törədib.
# 444

Oxşar yazılar