Dmanisidə döyülən ikinci azərbaycanlı da vəfat edib
15 noyabr 2010 17:54 (UTC +04:00)

Dmanisidə döyülən ikinci azərbaycanlı da vəfat edib

APA-nın Gürcüstan bürosunun xəbərinə görə, Dmanisinin Şindilər kəndinin 70 yaşlı sakini Nadir Əhmədov Tiflisdəki xəstəxanada dünyasını dəyişib. O, bu gün torpağa tapşırılıb.

Qeyd edək ki, noyabrın 12-də saat 18.00 radələrində Gürcüstanın Dmanisi rayonunun Svan qəsəbə sakini İrakli Libiliyani ilə Şindilər kənd sakinləri - 83 yaşlı Muhəddin Adıgözəlov və 70 yaşlı Nadir Əhmədov arasında mübahisə yaranıb. İ. Libiliyani hər iki şəxsə dəmir parçası ilə ağır xəsarətlər yetirib. M. Adıgözəlov başından aldığı xəsarətlər nəticəsində hadisə yerində dünyasını dəyişib. N. Əhmədov isə ağır vəziyyətdə Tiflisdəki xəstəxanalardan birində reanimasiya şöbəsinə yerləşdirilib.

İ. Libiliyani tutulub. Faktla bağlı araşdırmalar aparılır.

Məlumata görə, hadisə M. Adıgözəlov və N. Əhmədov İ. Libiliyaninin Şindilər kəndindəki əkin sahəsində mal-qara otaran zaman baş verib. İ. Libiliyani, kənd sakinlərinin mal-qarasının əkin sahəsində otlamasından qəzəblənərək, heyvanlara xəsarət yetirməyə başlayıb. Daha sonra o, buna etiraz edən M. Adıgözəlov və N. Əhmədova hücum edib.
# 925

Oxşar yazılar