Xan arxına düşən gəncin meyiti çıxarıldı

Bu gün səhər saatlarında Xan arxına düşən “Belarus” markalı traktorda qalan 20 yaşlı Sərvər Məlikov meyiti sudan çıxarılıb. Lent.az-ın bölgə müxbirinin məlumatına görə, güclü su axını traktoru 750 metr məsafədə aparıb.

Qəza nəticəsində traktorun sürücü, ölən Sərvər Məlikovun atası Nemət Məlikov xəsarət almayıb. S.Məlikovun meyiti və traktor Fövqəladə Hallar Nazirliyinin Şimal Regional İdarəsinin xilasediciləri tərəfindən sudan çıxarılıb.

Xatırladaq ki, hadisə bu gün saat 11 radələrində baş verib. Xaçmaz rayon Pirqulu kənd sakini Nemət Məlikov idarə etdiyi “Belarus” markalı traktorda Xan arxına düşüb. Olay zamanı onun oğlu da yanında olub.

Hadisə Nemət Məlikov traktoru arxaya sürmək istədiyi zaman baş verib. Ata hadisədən sonra kanaldan çıxa bilib. 20 yaşlı Sərvər Məlikov traktorun içindən çıxa bilməyib.