Ata və oğul traktorla Xan arxına düşdü
15 noyabr 2010 13:20 (UTC +04:00)

Ata və oğul traktorla Xan arxına düşdü

Noyabrın 15-də saat 11 radələrində Xaçmaz rayonunda bədbəxt hadisə baş verib. Xaçmaz rayon Pirqulu kənd sakini Nemət Məlikov idarə etdiyi “Belarus” markalı traktorda Xan arxına düşüb. Olay zamanı onun oğlu da yanında olub.

Hadisə Nemət Məlikov traktoru arxaya sürmək istədiyi zaman baş verib. Lent.az-ın bölgə müxbirinin verdiyi məlumata görə, ata hadisədən sonra kanaldan çıxa bilib. 20 yaşlı Sərvər Məlikov traktorun içindən çıxa bilməyib. Onun suda boğulduğu ehtimal olunur.

Hazırda Xan arxına verilən su dayandırılıb. Sərvər Məlikovun axtarışları davam etdirilir. Hadisə yerində Fövqəladə Hallar Nazirliyinin Xaçmazda yerləşən regional idarəsinin əməkdaşları və rayonun hüquq mühafizə orqanlarının əməkdaşları var.

Vəli Turan
1 2 3 4 5 İDMAN XƏBƏRLƏRİ
# 629

Oxşar yazılar