Yaşar Nurinin həyat yoldaşı: “Ürəyim ağrıyır”
12 noyabr 2010 15:13 (UTC +04:00)

Yaşar Nurinin həyat yoldaşı: “Ürəyim ağrıyır”

“Yaşar Nuri, reanimasiyada yatır, nə danışır, nə də bir irəliləyiş var”. Bu barədə xalq artistinin həyat yoldaşı Rəhimə xanım Lent.az-a açıqlamasında bildirib.

O, həmçinin Yaşar Nurinin yanına girmədiyini dedi: “Mən onun yanına girə bilirəm, otura da bilərəm. Saatlarla orda dayana bilərəm. Amma bacarmıram, ürəyim ağrıyır. Onun vəziyyətini ancaq həkimlərdən xəbər alıram. Onlar da deyir ki, bizə vaxt lazımdır. Düzü mən bilmirəm bu həkimlər nə iş görür. Mənim üçün bu haqda danışmaq çox ağırdır. İnşallah yaxşı olsun, geniş söhbət edərik”.

Qeyd edək ki, Yaşar Nuri noyabrın 6-da Bakıda xəstəxanaya yerləşdirilib, ayın 9-da isə xüsusi təyyarə ilə Kliniki Tibbi Mərkəzdən Türkiyəyə yola salınıb. Xalq artisti hazırda İstanbulun “Memorial” xəstəxanasında müalicə olunur.


Nizam Rza
# 538

Oxşar yazılar