Xalq artisti Faiq Ağayev onu bıçaqlayanlarla üzləşdirilib

Polis İdarəsindən Lent.az-a verilən məlumata görə, müstəntiq Cövdət İsgəndərovun iştirakı ilə keçirilən üzləşmə barışıq xarakterli olub.

Amma üzləşmə zamanı tərəflər arasında yenidən mübahisə düşüb. Bundan sonra F. Ağayev polis idarəsini tərk edib. Barışıq xarakterli üzləşmə isə qeyri-müəyyən vaxta kimi təxirə salınıb.

Xatırladaq ki, olay sentyabrın 27-də səhər saatlarında Nəsimi rayonu ərazisində, keçmiş “Kubinka” adlanan ərazidə qeydə alınıb. Xalq artisti Faiq Ağayev özünə məxsus 10 FA 222 dövlət nömrə nişanlı, “Audi” markalı maşını idarə edərkən, həmin yolla hərəkət edən “VAZ-2107” markalı avtomobilin sürücüsü və sərnişinləri ilə mübahisəsi düşüb. Sonradan qızışan mübahisə münaqişəyə çevrilib. Nəticədə F. Ağayev və onun yanında olan iki nəfərə çoxsaylı bıçaq xəsarətləri yetirilib.

Natiq Qədimov