Bakı avtovağzalında çanta oğrusu tutulub
10 noyabr 2010 12:43 (UTC +04:00)

Bakı avtovağzalında çanta oğrusu tutulub

Binəqədi Post Patrul Xidmətinin əməkdaşları etibardan sui-istifadə edərək sərnişinlərin çantalarını oğurlayıb qaçan şəxsi yaxalayıblar. Binəqədi rayonunun 40-cı polis bölməsindən Lent.az-a verilən məlumata görə, avtovağzalda var-gəl edən Vilyam Nağıyev polis patrulunun diqqətini cəlb edib.

Polis həmin şəxsin bir neçə dəqiqədən sonra tələsik halda iri bağlama ilə pilləkənlərlə aşağı düşdüyünü görüb. Saxlanılan zaman V.Nağıyev əvvəlcə çantanın və bağlamanın onun olduğunu bildirsə də, bölmədə oğurluq etdiyini etiraf edib. Zərərçəkənlər Balabəy Mirzəyev və Ruslan Kərimovun çantaları aktlaşdırılaraq özlərinə qaytarılıb. Polis onun daha bir neçə analoji cinayət hadisəsi törətdiyini istisna etmir. Faktla bağlı araşdırma aparılır.

Natiq Qədimov
# 441

Oxşar yazılar