MSK-nın iclası keçirildi

Bu gün gecə saatlarında Mərkəzi Seçki Komissiyasının (MSK) növbəti iclası keçirilib.

APA-nın xəbərinə görə, iclasda noyabrın 7-də keçirilmiş Azərbaycan Milli Məclisinə seçkilərlə əlaqədar MSK-ya daxil olmuş müraciətlərə baxılıb.

Müraciətlər barədə MSK katibi Natiq Məmmədov, MSK üzvləri Ramiz İbrahimov, Validə Kazımova və Nizami Nadirov məlumat verib. Baxılan müraciətlərin hamısı seçki günü daxil olmuş müraciətlər olub. Onların arasında Rauf Arifoğlunun, Aslan İsmayılovun, Arzu Səmədbəylinin, Hafiz Hacıyevin və Əvəz Temirxanın da şikayətləri olub. Müraciətlərin hamısı baxılması üçün müvafiq dairə seçki komissiyalarına göndərilib.

MSK sədri Məzahir Pənahov iclasda bildirib ki, ölkədəki 125 seçki dairəsi üzrə 5314 seçki məntəqəsinin 3100-dən məlumatlar MSK nəzdindəki “Seçkilər” İnformasiya Mərkəzinə daxil olub.